Í golfi reyna kylfingar að koma kúlu í holu í sem fæstum höggum og er notast við kylfur með mismunandi fláa. 

Golf er talið vera frá Skotlandi og hefur verið spilað í að minnsta kosti 600 ár á Bretlandseyjum. 

Alþjóða golfsambandið var stofnað árið 1958.

Golf varð Ólympíugrein árið 1900. 

Staðreyndir um golf

Golfvellir eru misstórir. Golf er ein af fáum íþróttum sem ekki er spiluð á ákveðið stórum velli eða vallarhelmingi, stærðin fer eftir stærð golfvallarins. Golfvellir skiptast í brautir sem hver hefur eina holu. Algengar vallarstærðir eru 9 eða 18 holu vellir sem hafa þá 9 eða 18 brautir.

Golfboltinn er ekki þyngri en 45.93 grömm og ekki minni en 42.67 mm í þvermál. 

Þar sem leikurinn gengur út á það að komast hringinn á sem fæstum höggum er oft viðmiðunarhöggfjöldi gefinn upp og kallast hann par vallar. Algengt par vallar er 72. Högg á holu hafa ólík nöfn eins og sjá má hér að neðan:

-4 kondór: fjögur högg undir pari

-3 albatross: þrjú högg undir pari

-2 örn: tvö högg undir pari

-1 fugl: eitt högg undir pari

0 par: jafn mörg högg og par holunnar er

+1: skolli eitt högg yfir pari

+2: skrambi tvö högg yfir pari

Gaman að vita

Elsti golfvöllur í heimi er Old Course völlurinn í St. Andrews. Þar hefur golf verið spilað í um 600 ár