Eitt ár í Smáþjóðaleikana

Í dag er eitt ár í Smáþjóðaleikana sem haldnir verða á Íslandi 1. – 6. júní 2015. Að því tilefni verður ný mynd úr myndaröðinni „Náttúrulegur kraftur“ birt til viðbótar við þær fjórar sem nú þegar hafa verið birtar, ásamt persónulegum viðtölum við íþróttafólkið á myndunum og íþróttamönnum sem tekið hafa þátt í leikunum. Viðtölin má sjá hér á heimasíðunni undir „Náttúrulegur kraftur“. Einnig verður hægt að fylgjast með íþróttafólkinu í gegnum samskiptamiðlana facebook, instragram og twitter.

Myndin sem varð fyrir valinu til birtingar þegar að eitt ár er í leika er mynd af kylfingnum Önnu Sólveigu Snorradóttur að slá golfkúlu ofan í hver við jarðhitasvæði í Krýsuvík. Golfmyndin hefur verið valin til birtingar þegar að eitt ár er í leika vegna þess að golf verður í fyrsta sinn spilað á Smáþjóðaleikum þegar að leikarnir verða haldnir næsta sumar. 

Fésbókarsíða leikanna er www.facebook.com/gsse2015.