Lukkudýr Smáþjóðaleikanna 2015 leitar að nafni
Hér fyrir neðan eru helstu reglur keppninnar og saga lukkudýrsins.
Reglur um nafnasamkeppni:
• Þátttökurétt eiga allir 4. – 7. bekkir í grunnskólum landsins.
• Hver bekkur kemur sér saman um eitt nafn.
• Tillögu um nafn ásamt rökstuðningi skal skilað með tölvupósti á info@iceland2015.is fyrir 5. febrúar þar sem fram kemur nafn bekkjar, skóla og ábyrgðarmanns.
• Tekið verður tillit til rökstuðnings með nafni – þ.e. af hverju á lukkudýrið að fá tiltekið nafn.
• Valnefnd skipuð fimm aðilum mun velja nafn á lukkudýrið úr innsendum tillögum. Ef margar tillögur koma inn með vinningsnafninu verður einn bekkur dreginn út og er sá vinningsbekkurinn.
• Laugardaginn 21. febrúar eru 100 dagar í leikana og þá verður nafn lukkudýrsins kynnt á blaðamannafundi ásamt sigurvegara nafnasamkeppninnar – dregið þann dag ef þarf.
Vinningur:
• Tölvubúnaður til skólans að verðmæti 100.000 krónur frá Advania.
• Eitt lukkudýr til eignar fyrir hvern nemanda í bekknum.
• Lukkudýrið kemur í heimsókn í skólann.
• Heiðurinn af því að eiga hugmyndina að nafni lukkudýrsins.
Hægt er að skoða myndband af því hvernig lukkudýrið varð til hér
Nánari upplýsingar:
Ragnhildur Skúladóttir, sviðsstjóri Þróunar- og fræðslusviðs ÍSÍ
ragnhildur@isi.is
Sími 514-4015
Fésbókarsíða leikanna er Smáþjóðaleikar 2015.